Јаглероден отпечаток на производот
Емисиите на стакленичи гасови (GHG емисиите) можат да се испуштаат и да се апсорбираат низ целиот животен циклус на еден производ. Карбонскиот отпечаток на производот се базира на пресметката на GHG емисиите низ целиот негов животен циклус, од екстракцијата на суровите материјали до крајниот животен период, вклучувајќи ги сите интермедијарни фази: производство, транспорт и потрошувачка.
Чекори на анализа на животниот циклус (Life cycle assessment - LCA)
LCA е систематска анализа на еколошките влијанија низ целиот животен циклус на еден производ. LCA моделот го анализира влијанието врз животната средина од многуте меѓусебно поврзани системи кои го сочинуваат индустриското производство. Кога се изведува точно, може да обезбеди вредни податоци што носителите на одлуки можат да ги користат за поддршка на иницијативи за одржливост. 
Стандардот ISO 14040 ги дефинира четирите фази на LCA:
- Дефинирање на целите,
- Евидентирање на животниот циклус на материјалните и енергетските текови,
- Проценка на влијанието на GHG емисиите и
- Интерпретација на резултатите.
Клучни цели
• Подобрување на пресметката на GHG емисиите
• Идентификување на најголемите фази од животниот циклус со најголемо влијание и поставување план за намалување на емисиите
• Обезбедување основа за потрошувачите да го споредат влијанието на животната средина два слични производи
• Овозможување на оценка на алтернативи во однос на дизајнот на производот, опции за снабдување, методи на производство и изработка, избор на суровини, транспорт и рециклирање
• Идентификување на области за подобрување во синџирот на снабдување
• Давање приоритет на ефикасно искористување и рециклирање на отпадот
• Подготовка на компаниите за извоз за спроведување на CBAM (Механизам за прилагодување на границите на јаглеродот)
